Ad Banner
Ad Banner
Ad Banner
Ad Banner

Martti Ahtisaari del negativ në testin e parë nga koronavirusi

19:34 | 14 Prill 2020
Arditë Shkodra

Ish-presidenti i Finlandës, Martti Ahtisaari, i cili fitoi çmimin Nobel për Paqen në vitin 2008, po shërohet pasi u infektua me koronavirus, tha të martën zyra republikane e Finlandës, rreth tre javë pasi Ahtisaari dhe gruaja e tij u konstatuan se kishin kontraktuar sëmundjen, transmeton gazeta express.

“Mostrat e fundit të koronavirusit të Presidentit Martti Ahtisaari dhe Zonja Eeva Ahtisaari janë provuar negative dhe ato vazhdojnë të shërohen,” tha zyra në një deklaratë.

Infeksioni i Ahtisaarit u konfirmua në 23 mars.

82-vjeçari Ahtisaari, i cili ishte president i Finlandës nga 1994 deri në 2000, fitoi çmimin Nobel për Paqe për kontributin e tij të gjatë në ndërmjetësimin e paqes, dhe ndërmjetësimin në çështjen mes Kosovës dhe Serbisë.

Deri të hënën, Finlanda kishte 3.064 raste të konfirmuara të koronavirusit dhe 59 të vdekur nga virusi.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm